Product Owner / Project Manager (HRMpro)

İş yeri: Bakı, Azərbaycan

İş rejimi: Tam ştat, ofisdə (həftədə 5 gün, 09:00–18:00)

PROSYS MMC dövlət və özəl təşkilatlarda istifadə olunan HRMpro insan

resurslarının idarə edilməsi sistemi üzrə Product Owner / Project Manager vəzifəsinə əməkdaş

axtarır. Bu vəzifə iki istiqaməti birləşdirir. Birincisi, məhsulun özüdür: HRMpro-nun inkişaf istiqamətini

müəyyənləşdirmək, tələbləri prioritetləşdirmək və nəticəni qəbul etmək. İkincisi, müştəri layihələridir: HRMpro-nun

müştərilərdə tətbiqini və inkişaf layihələrini vaxtında, razılaşdırılmış həcmdə və keyfiyyətdə başa çatdırmaq.

Namizəd kadr, əmək haqqı və iş vaxtı proseslərini, əmək qanunvericiliyini dərindən bilməli, biznes analitiklər,

proqramçılar, test komandası və müştəri ilə birlikdə işi sonadək aparmağı

bacarmalıdır.

Əsas vəzifələr

Məhsulun idarə edilməsi (Product Owner)

HRMpro üzrə məhsul vizyonunu və yol xəritəsini (roadmap) hazırlamaq, rəhbərliklə

razılaşdırmaq və mütəmadi yeniləmək;

Product Backlog-u idarə etmək:

tələbləri dəyər, səy və risk baxımından prioritetləşdirmək, sprint planlamasında iştirak etmək;

Müştərilərdən, daxili komandalardan və tətbiq layihələrindən gələn tələbləri toplamaq, təhlil

etmək və mövcud funksionallıqla tutuşdurmaq; təkrarlanan və artıq mövcud olan istəkləri ayırmaq, müxtəlif

müştərilərin oxşar istəklərini vahid həllə yönəltmək;

Kadr uçotu, əmək

müqavilələri və əmrlər, əmək haqqının hesablanması, məzuniyyətlər, iş vaxtının uçotu (tabel, növbə) və digər HRM

prosesləri üzrə biznes proseslərini təhlil etmək, modelləşdirmək və optimallaşdırmaq;

Tələbləri User Story, qəbul meyarları (Acceptance Criteria) və funksional spesifikasiya

şəklində sənədləşdirmək;

Əmək və vergi qanunvericiliyindəki, sosial

sığorta və hesabat qaydalarındakı dəyişiklikləri izləmək, onların məhsula təsirini qiymətləndirmək və vaxtında

tətbiqini təmin etmək;

Hazırlanmış funksionallığı qəbul meyarlarına görə

yoxlamaq, qəbul etmək və ya geri qaytarmaq; buraxılış (release) qeydlərini və istifadəçi təlimatlarının

yenilənməsini təşkil etmək.

Layihələrin idarə edilməsi (Project Manager)

HRMpro-nun müştərilərdə tətbiqi və inkişaf layihələri üçün layihə planını

hazırlamaq: həcm, mərhələlər, müddətlər, resurslar və büdcə;

Müştəri ilə

texniki tapşırığı, layihə həcmini və təhvil şərtlərini razılaşdırmaq; həcm dəyişikliklərini qiymətləndirmək və

rəsmiləşdirmək;

Biznes analitiklər, proqramçılar və test komandası

arasında işləri bölüşdürmək, gedişatı izləmək və gecikmələrin qarşısını vaxtında almaq;

Layihə risklərini və asılılıqlarını müəyyənləşdirmək, onlar üzrə tədbir planı

hazırlamaq;

Məlumatların köçürülməsini (miqrasiya), sistemin

quraşdırılmasını, istifadəçilərin təlimini və canlı istifadəyə keçidi təşkil etmək;

Rəhbərliyə və müştəriyə müntəzəm status hesabatı vermək, layihə görüşlərini aparmaq və

protokollaşdırmaq;

Mərhələlərin təhvil-qəbul sənədlərini hazırlamaq,

layihəni bağlamaq və nəticələri təhlil etmək.

Tələblər

Product Owner, layihə rəhbəri, biznes analitik və ya oxşar vəzifədə ən azı 4 il iş

təcrübəsi; bunun ən azı 2 ili proqram təminatı layihələrinin idarə edilməsi üzrə olmalıdır;

HRM və ya əmək haqqı proqram təminatının hazırlanması və ya tətbiqi üzrə

təcrübə;

Azərbaycan Respublikasının Əmək Məcəlləsini və əmək

münasibətlərini tənzimləyən normativ-hüquqi aktları dərindən bilmək;

Əmək

haqqının, məzuniyyət haqqının, son haqq-hesabın, vergi və sosial sığorta ayırmalarının hesablanması üzrə praktiki

təcrübə;

Kadr uçotu, əmək müqavilələri, iş vaxtının uçotu və

məzuniyyətlərin idarə edilməsi proseslərini dərindən anlamaq;

Biznes

ehtiyaclarını toplamaq və funksional tələblərə çevirmək; User Story və qəbul meyarları yazmaq

təcrübəsi;

Agile/Scrum və ənənəvi (mərhələli) layihə idarəetmə

yanaşmalarını bilmək və tətbiq etmək;

Layihənin planlaşdırılması, müddət,

büdcə və risklərin idarə edilməsi təcrübəsi; MS Project və ya oxşar planlama alətləri ilə

işləmək;

Jira və ya oxşar tapşırıq idarəetmə alətləri ilə işləmək

bacarığı;

Məlumatı yoxlamaq üçün SQL-də sadə sorğular yaza

bilmək;

Azərbaycan dilində sərbəst yazılı və şifahi ünsiyyət, rus və ya

ingilis dilini işgüzar səviyyədə bilmək;

Liderlik, qərar vermə və

prioritetləşdirmə bacarığı, müştəri ilə danışıqlar aparmaq və komandanı ortaq nəticəyə yönəltmək.

Üstünlük sayılır

Kadr və ya əmək haqqı şöbəsində işləmiş olmaq;

Dövlət və ya büdcə təşkilatlarında HRM və ya ERP sistemlərinin tətbiqinə rəhbərlik

etmək;

Layihə idarəetməsi sertifikatı (PMP, PRINCE2, IPMA və s.) və ya

Product Owner sertifikatı (PSPO, CSPO və s.);

BPMN ilə proses

modelləşdirmə, prototip və maket alətləri (Figma və s.) ilə işləmək təcrübəsi.

Biz nə təklif edirik?

Bilik və təcrübəyə uyğun rəqabətqabiliyyətli əmək haqqı;

5 günlük iş həftəsi (09:00–18:00);

Ölkədə istifadə

olunan HRM məhsulunun inkişaf istiqamətini və onun tətbiq layihələrini idarə etmək imkanı;

Peşəkar inkişaf və karyera yüksəlişi;

Təcrübəli

analitik, proqramçı və test komandası ilə əməkdaşlıq.

CV-nizi mövzu sətrində “Product Owner / Project Manager (HRMpro)” yazaraq Müraciət et düyməsində qeyd olunan elektron

poçt ünvanına göndərin. Yalnız müsahibəyə dəvət olunan namizədlərlə əlaqə saxlanılacaq.

HRM proseslərini rəqəmsal həllərə çevirən komandaya qoşulun!