IT Biznes Analitika üzrə Baş Mütəxəssis

Vəzifənin məqsədi:

Şirkətin rəqəmsal investisiya ekosisteminin davamlı inkişafını, optimallaşdırılmasını və miqyaslandırılmasını dəstəkləmək məqsədilə biznes tələblərinin təhlilini aparmaq, əsas əməliyyat proseslərinin təkmilləşdirilməsinə töhfə vermək və biznes ehtiyaclarını effektiv rəqəmsal həllərə çevirmək. Vəzifə biznes və informasiya texnologiyaları komandaları arasında əsas əlaqələndirici rolunu yerinə yetirərək əsas əməliyyat platformasının biznes məqsədlərinə uyğun inkişafını, əməliyyat səmərəliliyinin qorunmasını və rəqəmsal təşəbbüslərin uğurla icrasını təmin edir.

Vəzifə öhdəlikləri:

Əsas Platformanın İnkişafı və Dəstəklənməsi: Canlı əsas sistem üzrə funksional ekspert kimi çıxış etmək. Yeni funksionallıq təkmilləşdirmələri, ikinci bazar düzəlişləri və tranzaksiya monitorinq modulları üzrə biznes tələblərinin toplanması;

Rəqəmsal İnvestisiya Kanalları: İnvestisiya məntiqi və treyding mexanizmlərini bizim öz mobil treyding tətbiqimiz və qrupun daha geniş mobil bank tətbiqləri daxilindəki inteqrasiya olunmuş investisiya modulları üçün aydın user story-lərə, wireframe-lərə və funksional spesifikasiyalara çevirmək;

Bazar və Birja İnteqrasiyası: Bütün platforma yeniləmələrinin, hesabat şablonlarının və order routing (sifariş yönləndirmə) mexanizmlərinin Bakı Fond Birjasının (BFB) operativ qaydaları və treyding strukturları ilə tam uyğunluğunu və inteqrasiyasını təmin etmək;

Depozit və Klirinq Əməliyyatları: Milli Depozit Mərkəzi (MDM) ilə bağlı sistem axınlarını idarə etmək və optimallaşdırmaq — fasiləsiz klirinq, qiymətli kağızların saxlanma (custody) qeydiyyatı, hesablaşma (settlement) təsdiqləri və investor reyestrinin yenilənməsi;

Funksiyalararası Əməkdaşlıq: Biznesin inkişafı, uyğunluq (compliance), risk idarəetməsi və daxili/xarici İT inkişaf komandaları arasında əsas texniki əlaqələndirici kimi çıxış etmək, məhsul backlog-unun qruplaşdırılması və prioritetləşdirilməsi;

UAT və Keyfiyyətə Nəzarət: Yeni sistem buraxılışları, yeniləmələr və ya əlaqə (connectivity) düzəlişləri üçün İstifadəçi Qəbul Testi (UAT) və reqressiya ssenarilərini hazırlamaq — canlı treyding əməliyyatlarının fasiləsiz davam etməsini təmin etmək.